ZIARA YA RC MWASSA WILAYA YA MISSENYI

Posted on: August 7th, 2023

Leo tarehe 07/08/2023 Mheshimiwa Mkuu wa Mkoa wa Kagera Hajjat Fatma Mwassa amefanya ziara ya siku moja katika Wilaya ya Missenyi kwa ajili ya kukagua Miradi ya Maendeleo, kufanya vikao vya ndani na watumishi wote pamoja na kufanya mkutano ya hadha na wananchi wa wilaya ya Missenyi.

Akiwa Wilayani Missenyi amepongeza jitihada za wilaya haswa katika kushirikiana vizuri kati ya Mkuu wa Wilaya na  Halmashauri katika ukusanyaji wa mapato hadi kuvuka malengo Pamoja na usimamizi mzuri wa miradi ya maendeleo.

‘’Niwapongeze kwani nimetembele miradi ya maendeleo kwakweli ni mizuri sana na nampongeza Mheshimiwa Rais wa Jamhuri ya Muunganio wa Tanzania Dkt. Samia Suluhu Hassan kwani kama alivyosema Mwenyekiti wa Halmashauri kwamba kwa Mwaka wa fedha 2022/2023 Halmmashauri ilipokea zaidi ya bilioni 09 za miradi ya Maendeleo’’ Alisema Hajjat Mwassa.

Hata hivyo alipongeza juhudi za ukusanyaji mapato hadi kuvuka lengo la ukusanyaji hadi kufikia asilimia 127 na kuilekeza Halmashauri kuanza kufikiria  kufanya uwekezaji katika miradi ya kimkakati ili kuongeza makusanyo Zaidi Pamoja na kuwataka wananchi kuongeza kilimo cha kahawa kwani Halmashauri inatoa miche ya Kahawa bure na mwaka huu imetenga milioni 32 kwa ajili ya kununua miche hio.

Kwa upande wake katibu tawala wa Mkoa wa Kagera Ndg. Thoba Nguvila ameitaka halmashauri kuhakikisha wanaweka kipaumbele katika kupunguza au kumaliza kabisa madeni ya watumishi kupitia makusanyo ya ziada walioyapata.

Aidha Mkurugenzi Mtendaji wa Halmashauri Adv. John Paul Wanga alisema mkakati wake kwasasa ni kuongeza ukusanyaji Zaidi kutoka bilioni 6.2 ya mwaka uliopita  hadi kufikia bilioni 8 kwa mwaka huu wa fedha 2023/2024.

‘’Mheshimiwa mkuu wa mkoa mimi nimedandia tuu gari sifa zote zinastahili kwa walikuwepo ila mimi ni mgeni hivyuo niwapongeze wataalamu wangu wote kwani wamenionyesha mwanzo mzuri na uelekeo mzuri wa kuyafikia malengo ya Halmashauri yetu.

Ziara hii ya Mheshimiwa Mkuu wa Mkoa wa Kagera imehitimishwa leo katika Wilaya ya Missenyi baada ya  kuzunguka katika wilaya zote za Mkoa wa Kagera.