Historia ya Missenyi

Utangulizi

Halmashauri ya Wilaya ya Missenyi ni moja kati ya Halmashauri nane za Wilaya za Mkoa wa Kagera.   Halmashauri hii ilianzishwa tarehe 1, Julai, 2007 baada ya Halmashauri ya Wilaya ya Bukoba kugawanywa katika halmashauri mbili (Halmashauri ya Wilaya ya Missenyi na Halmashauri ya wilaya ya Bukoba).

Idadi ya Watu

Kwa mujibu wa Sensa ya Watu na Makazi ya Mwaka 2022 idadi ya wakazi wa Wilaya ya Missenyi ni  245,394 ikiwa 120,995(ME) 124,399(KE)  

Eneo

Halmashauri ya Wilaya ya Missenyi upande wa Kaskazini inapakana na nchi ya Uganda, Mashariki inapakana na Wilaya ya Bukoba Vijijini, Kusini inapakana na Wilaya ya Karagwe na Magharibi inapakana na  Wilaya ya Kyerwa. 

Eneo la Halmashauri Wilaya ya Missenyi liko upande wa Magharibi mwa Ziwa Viktoria. Eneo la Halmashauri ya Wilaya ya Missenyi ni 2709 km².

Mgawanyo wa Utawala

Kiutawala Wilaya ya Missenyi imegawanyika katika Tarafa Mbili (Missenyi na Kiziba) ,Kata 20, Vijiji 77 na Vitongoji 356.

Hali ya Hewa

Maeneo ya Wilaya hupokea mvua mara mbili kwa mwaka; Kwenye mwambao wa Ziwa Viktoria mvua hufikia hadi Milimita 1,400 na 2,000 kwa mwaka, kwenye Nyanda za Juu Kati ya 1,000 na 1,400mm na upande wa Magharibi kiwango hushuka hadi 600 na 1,000mm kwa mwaka. 

Usafiri

Hali ya Barabara ya kiwango cha lami inayounganisha Halmashauri ya Wilaya ya Missenyi na maeneo mbalimbali kama Halmashauri ya Bukoba, Karagwe na Nchi jirani ya  Uganda. Aidha barabara zingine za kiwango cha Changarawe zinazounganisha maeneo ya Kata, Vijiji na Vitongoji zinapitika kwa kipindi chote cha Mwaka mzima.

ORODHA YA WAKURUGENZI WA HALMASHAURI YA WILAYA YA MISSENYI TANGU MWAKA 2007 HADI SASA