Kata ya Mabale

UTANGULIZI

Kata ya Mabale ni miongoni mwa Kata Ishirini (20) zinazounda Halmashauri ya Wilaya Missenyi katika Mkoa wa Kagera.

Upande wa Mashariki Kata ya Mabale imepakana na Kata Kilimilile, Magharibi imepakana na Wilaya ya Karagwe, Kaskazini na imepakana na Kata ya Kilimilile na kusini imepakana na Wilaya ya  Bukoba Vijijini.

Kata ya Mabale ina jumla ya Vijiji 03 ambavyo ni Mabale, Kibeo na Nyankere

Aidha Kata ya Mabale ina jumla ya Vitongoji 11 ambavyo ni Katweigiri, Kachongo, Rwoga, Nyamilembe,  Machunilo, Kihumlo ‘A’, Kihumlo ‘B’,  Nyamilembe,  Buturage,  Kigarama na Mtakuja.

IDADI YA WATU

Kwa mujibu wa Sensa ya Watu na Makazi ya Mwaka 2022 Kata ya Mabale ina jumla ya Kaya 1,672 zenye jumla ya wakazi 6,995 ikiwa KE 3,561 na ME 3,434.

UTAWALA NA UONGOZI

Kata ya Mabale inaongozwa Mhe. Diwani Ibrahimu Kaisiranga anayetokana na Chama cha Mapinduzi (CCM) na Mtendaji wa Kata ni Ndg. Helman Mujungu Cornely.

TAASISI ZA UMMA

Katika Kata ya Mabale kuna jumla ya taasisi za umma 07 ambazo ni

Shule za Msingi

1. Shule ya Msingi Nyankere
2. Shule ya Msingi Kibeo
3. Shule ya Msingi Mikindo

Shule za Sekondari  Mabale

Zahanati ya Nyankere

Vituo vya kukusanyia mazao (AMCOS) 01 yenye matawi 02