TASAF MISSENYI : JUMLA YA SHILINGI MILIONI 303.0 ZIMETOLEWA KWA WALENGWA WA TASAF

Posted on: September 20th, 2022

Kupitia mpango wa kunusuru kaya maskini TASAF awamu ya III ikiwa ni wa mzunguko wa 10 katika kipindi cha pili katika Halmashauri ya Wilaya Missenyi jumla ya shilingi 303,087,907 zimelipwa kwa walengwa 7,481 waliopo katika vijiji 77 vilivyopo katika kata 20 za Halmashauri ya Wilaya ya Missenyi.

Fedha hizi zimewafikia walengwa ikiwa ni dirisha la mwezi Julai na Agosti 2022 ambapo malipo kwa walengwa yamefanyika kwa njia ya  fedha Taslim/ mkononi ambapo zimetolewa jumla ya shilingi Milioni 211,058,557 kwa walengwa 5,228 na kupitia mtandao yaani njia ya simu/benki malipo yamefanyika ya ikiwa ni jumla ya shilingi 92,029,350 kwa walengwa 2,253.

Katika kikoa kazi kwa wawezeshaji walielekezwa na mratibu wa TASAF Halmashauri ya Wilaya ya Missenyi Bw. Joram Peter Karugaba aliwasihi kwamba kabla zoezi la ugawaji fedha lazima walengwa wote wanaopokea fedha kwa njia zote yaani taslimu na mtandao wapatiwe elimu ya kujenga uelewa kama muongozo unavyoelekeza.

Aidha kwa upande wa Afisa ufuatiliaji wa TASAF ndugu Omary Rashid aliwasihi wawezeshaji kuhakikisha kwamba wakati wa warsha ya jamii walengwa wote waliohudhuria wanapaswa kusaini katika karatasi ya mahudhurio bila kujali anapokea fedha kupitia njia ya simu, benki au mkononi.

Aidha wawezeshaji wamesisitizwa kuelimisha walengwa wote juu ya kufanya matumizi sahihi ya fedha wanazopokea ili kuweza kufikia malengo ya mpango huu kama ilivyokusudiwa ikiwa ni pamoja na kuongeza fursa za kujiongezea kipato na kuboresha huduma za kiuchumi na kijamii kwa kaya za walengwa na kulinda maslahi ya watoto wao.