MIRADI YENYE THAMANI YA TSHS BILIONI 1.1 IMEKAGULIWA KWA ROBO YA KWANZA YA 2023/24.

Posted on: October 16th, 2023

Kamati ya Utawala, Fedha na Mipango katika Halmashauri ya Wilaya ya Missenyi imeanza ziara ya siku mbili ya ukaguzi wa Utekelezaji wa miradi ya maendeleo yenye thamani ya shilingi bilioni 1.1 kwa robo ya kwanza ya mwaka wa fedha 2023/2024.

Ziara hii ya siku mbili imeanza leo tarehe 16 Octoba, 2023 katika tarafa ya kiziba na itaendelea kesho katika tarafa ya Missenyi ili kuhakikisha thamani ya fedha inakuwepo katika miradi yote inayotekelezwa.

Mheshimiwa Mwenyekiti wa Halmashauri ya Wilaya ya Missenyi Mhe. Projestus Tegamaisho Akibainisha miradi itakayotembelewa katika tarafa ya Kiziba kwa siku ya kwanza ni pamoja Ukarabati wa Josho Kikukwe, Ujenzi wa Matundu ya vyoo 13 katika Shule ya Msingi Bweyunge yenye thamani ya shilingi milioni 39.4, Ujenzi wa Nyumba za Mwalimu (2 in 1) Kitobo Sekondari wenye thamani ya shilingi milioni 100 na Ujenzi wa Chuo cha Ufundi VETA Buyango ambapo kwa awamu ya kwanza wamepokea milioni 228.9 na ujenzi unaendelea.

Aidha alisema siku ya pili katika tarafa ya Missenyi kamati itatembele Mradi wa umaliziaji wa Wodi ya wazazi katika Zahanati ya Bulembo yenye thamani ya shilingi milioni 20 , Shamba la Kahawa la Mkulima aitwaye Johaness John katika kata ya Kilimilile , Ujenzi wa vyumba 6 vya madarasa na matundu 13 ya vyoo katika shule ya msingi Kagera kwa shilingi milioni 175.4, Ujenzi wa shule ya Sekondari mpya Bugango yenye kujumuisha vyumba 8 vya madarasa, maabara 03, Jengo la Utawala, Maktaba, TEHAMA na matundu 13 ya vyoo wenye thamani ya shilingi milioni 584.3 na kuhitimisha katika eneo la ujenzi wa maegesho ya malori Mutukula kwa kukagua ujenzi wa uzio kwa shilingi milioni 40.

"Nichukue nafasi hii kuishukuru Serikali kwani fedha za utekelezaji wa miradi ya maendeleo inakuja kwa wingi na kazi yetu sisi Madiwani na Wataalamu ni kuisimamia ili thamani ya fedha ionekane kama ilivyokusudiwa" Alisema Mhe. Tegamaisho

Ombi letu kama kamati ni kuwatakq wananchi waendelee kuchangia miaradi pamoja na kuitunza ili lengo kusudiwa liweze kutimia