TANGAZO LA MAJINA NA MIPAKA YA VIJIJI NA VITONGOJI MISSENYI

Posted on: September 16th, 2024

Katika kuelekea Uchaguzi wa Serikali za Mitaa unaotarajiwa kufanyika 27 Novemba, 2024,  Msimamizi wa Uchaguzi katika Halmashauri ya Wilaya ya Missenyi Bw. John Paul Wanga leo tarehe 16 Septemba, 2024 ametoa tangazo la majina na mipaka ya Vijiji na Vitongoji katika Halmashauri ya Wilaya ya Missenyi.

Amesema kwamba Halmashauri ya Wilaya ya Missenyi inazo Kata 20, Vijiji 77 na Vitongoji 356 ambapo maeneo hayo ndio yatakayohusika katika uchaguzi wa Serikali za Mitaa tarehe 27 Novemba 2024.

Alibainisha kwamba, viongozi watakaochaguliwa ni Mwenyekiti wa Kijiji, Mwenyekiti wa Kitongoji, Wajumbe mchanganyiko (Me & Ke) na Wajumbe wa Viti Maalum.

Aidha, ametoa rai kwa wakazi na wananchi wa Halmashauri ya Wilaya ya Missenyi kujitokeza kwa wingi kujiandikisha, kugombea, kupiga kura na kushiriki katika hatua zote za uchaguzi ili kupata viongozi bora wa Serikali za Mitaa kwa maendeleo ya taifa letu.

Pia amewataka Wakina mama kujitokeza kwa wingi kugombea nafasi za uongozi katika serikali za mitaa na vyama vya siasa kuhamasisha hilo.

"Wakina mama wajitokeze kwa wingi kugombea nafasi hizi waombe hata zile nafasi za kugombania ambazo ni Mwenyekiti wa kitongoji, Mwenyekiti wa Kijiji na zile nafasi za Wajumbe mchanganyiko yani Me & Ke na niviombe vyama vya siasa vinavyoshiriki uchaguzi kwenye eneo letu vihamasishe wakina mama kujitokeza kugombea nafasi hizo. Amesema Bw.John Wanga.

Ametoa tangazo hilo la Majina na Mipaka ya Vijiji na Vitongoji mapema leo akiwa ofisi za Halmashauri ya Wilaya ya Missenyi.