KUIMARISHA MIFUMO YA SEKTA YA UMMA , UTAWA BORA NA USHIRIKISHWAJI WA WANANCHI WILAYA YA MISSENYI

Posted on: November 17th, 2022

Kupitia mradi PS3+ unaofadhiliwa na Shirika la Marekani la Maendeleo ya Kimataifa (USAID) umeendelea kuimarisha shughuli ya Uimarishaji wa Mifumo ya Sekta ya Umma kwa ajili ya kuweka mifumo ya sekta ya umma inayokidhi mahitaji ya wananchi ili kuleta  ubora wa huduma muhimu za umma katika ngazi ya mitaa.

Hayo yamebainika baada wataaalamu wa mradi huo kufanya ufuatiliaji juu ya mafanikio na mabadiliko yatokanayo na utolewaji wa mafunzo hayo leo tarehe 16/11/2022 ili kufanya tathmini katika maeneo mbali mbali ya kutolea huduma katika Kata ya Kassambya na Kanyigo.

Katika kata ya Kassambya walitembelea shule ya sekondari Bunazi, shule ya msingi Kassambya, Kituo cha Afya cha Bunazi, ofisi ya kijiji Bunazi na Omundongo na Kata Kanyigo walitembelea Shule ya msingi  Nshumba, Zahanati ya Kikukwe na ofisi ya kata Kanyigo.

Kwa upande wake Suma Kaare ambaye ni mkuu wa kitego cha Utawala bora na Ushirikishwaji wa wananchi katika mradi wa PS3+ makao makuu Dar es salaam alisema Natamani kujua kama matamanio ya serikali yanatimia ikiwemo uwepo wa mifumo na ufanyaji kazi, utolewaji wa taaarifa na kubandikwa kama ilivyotolewa kwenye mfumo na itakua vyema kama kamati za vituo hivi kama zipo na zinafanya kazi ikiwemo kujadili taarifa za mapato na mtumizi ya kituo bila kusahau uwepo sanduku la maoni na linafunguliwa mara ngapi na namna gani wanashughulikia malamiko au maoni ya wananchi kwa ajili ya kuleta utawala bora na ushirikishwaji.

Mafunzo haya  yalijumuisha Watendaji wa kata, Waganga wafawidhi wa vituo vya afya na zahanati na watendaji waliopata mafunzo walielekezwa kutoa mafunzo kwa wataalamu waliopo ofisi za kata na watendaji wa vijiji ikiwemo kutumia mfumo wa kielektoniki wa MUKI kupitia chuo cha serikali  za mitaa LGTI Dodoma.

Kwa upande vituo vya afya, zahanati, shule za msingi na sekondari waliweza kufanya ufuatiliaji juu ya utumikaji wa wa mifumo kama GoTHOMIS kwa sehemu za kutolea huduma za afya na FFARS kwa shule za msingi na sekondari, utolewaji wa taarifa mbalimbali za mifumo na taarifa zinginezo na kuwekwa wazi kupitia mbao za matangazo, mikutano ya vijiji ili kuhakikisha jamii nzima inayozunguka taasisi husika inapata taaifa za msingi ikiwemo kushirikishwa katika mambo mbalimbali ikiwemo uwekaji wazi wa taarifa za mapato na matumizi ya taasisi husika katika mbao za matangazo, uwepo wa masanduku ya maoni utumikaji wake na ufanyikaji wa vikao vya kisheria katika vituo na maeneo ya serikali za mitaa haswa katika vijiji na kata.

Aidha kwa upande wa mratibu wa mradi wa PS3+ kanda ya ziwa Bw. Pelestian Masai aliwakumbusha kwamba mnamo mwezi mei 2022 walikutana na watendaji wa kata na hivyo kwa upande wa serikali za mitaa ufuatiliaji unafanyika katika utiririshaji wa mafunzo kutoka kwa watendaji wa kata kwenda kwa wagani wa kata, watendaji wa vijiji juu ya utawala bora na ushirikishwaji wa wananchi na kuweza kufikia hatua ya kupata vyeti kwa wale walio hitimu mafunzo.

Kwa upande wake Dk. Mary Kasonka ambaye katika mradi ni mshauri wa maswala ya uatawa bora na ushirikishwaji wa jamii alisisitiza katika Utolewaji wa taarifa za msingi haswa za mapato na matumizi, uwekwaji wa masanduku ya maoni, matumizi ya mbao za matangazo katika ofisi za umma ili kuongeza ushirikiano wa wananchi katika shughuli mbalimbali.

Mradi wa PS3+ Umelenga kuimarisha mifumo ya sekta ya umma haswa katika uboreshaji, upangaji na usimamizi unaozingatia ushahidi wa huduma za umma katika ngazi ya mtaa, Kuimarisha utawala wa ndani kupitia ushirikishwaji wa wananchi katika shughuli mbalimbali na uwajibikaji wa kijamii na kuongeza ufanisi katika ukusanyaji na matumizi ya uwazi ya rasilimali fedha katika shughuli mbalimbali.