JAMII IONGEZE JITIHADA KATIKA KUTOKOMEZA UKIMWI

Posted on: December 1st, 2023

Mheshimiwa Mkuu wa Mkoa wa Kagera Hajjat Fatma Mwassa amewaongoza wanachi wa Mkoa wa Kagera katika kuadhimisha siku ya UKIMWI duniani leo tarehe 01/12/2023 ambapo maadhimisho haya yamefanyika Kimkoa katika Viwanja vya kiwanda cha Kagera Sukari kilichopo Kata ya Nsunga wilaya ya Missenyi.

Akizungumza na wanachi wanachi wa Mkoa wa Kagera Mhe. Mwassa alisema lengo la maadhimisho haya kuwanguanisha wanajamii kote ulimwenguni ili kuendeleza mapambano dhidi ya kutokomeza tatizo la UKIMWI lililopo Duniani kote.

"Siku hii hutoa fursa kwa jamii yote, watu waliothirika  na virusi vya UKIMWI wakiwemo wagane,wajane, watoto  yatima ili kufarijiwa, kukutana na kutafakari athari za janga la UKIMWI na changamoto mbalimbali za kiafya zinazoendele kuwakabili Wananchi walioathirika na wale ambao hawajaathirkia katika kuboresha afya ya jamii ili kuleta maendeleo" .Alisema Hajjat Mwassa.

Aidha aliwasihi wananchi kwamba bado suala la UKIMWI limeendelea kuwa zito pamoja na kuendelea kuleta athari za kujidhihirisha kijamii, kiuchumi na kiafya hivyo hatuna budi kuchukua tahadhari kwani changamoto zitokanazo na mahusiano ya kingono ni nyingi na sio UKIMWI peke yake.

Kwaupande wake Bw. Issa Mrimi ambaye ni mratibu wa UKIMWI Mkoa wa Kagera akisoma taarifa ya hali ya maambukizi ya UKIMWI Mkoa wa Kagera kwaniaba ya Mganga Mkuu wa Mkoa wa Kagera alisema hali ya maambukizi Mapya kwasasa Halmashauri ya Wilaya Missenyi ni 2.7%, Bukoba Manispaa 2.3%, Bukoba Vijijini 2.7%, Karagwe 01%, Kyerwa 02%, Muleba 02%, Biharamulo 01% na Ngara 01%.

"Idara ya afya kwa kushirikiana na wadau wanaendelea kupambana na janga hili ikiwa nki pamoja na kuweka mikakati ya kuibua wale ambao hawajaweza kupima na kujua hali zao haswa kupitia njia ya kupima mshirika mwenza hali ianayosaidia kuwafikia watu wengi zaidi" Alisema Bw. Malimi

Aidha hali ya Maambukizi kwa Mkoa wa Kagera imepungua ukilinganisha na mwaka jana kutokana na afua mbalimbali zinazotekelezwa zilizopelekea kupungua kwa maambukizi ikiwa ni pamoja na kuanzisha huduma ya jipime, huduma ya dawa kinga na matumizi ya Kondom.

Maadhimisho haya yamehudhuriwa na wanachi wa Wilaya ya Misenyi pamoja na wadau kama MDH, Kagera Sugar, World Vision, Compassion, HUMULIZA, SHINA Tanzania/ITIKA, TADEPA, MHOLA na H-PON.

Maadhimisho haya huadhimishwa kote duniani na nchi wanachama wa umoja wa mataifa kila ifikapo tarehe 01 Disemba ya kila mwaka, Kauli mbiu ya Maadhimisho haya kwa mwaka 2023 ni "JAMII IONGOZE  KUTOKOMEZA  UKIMWI" ambapo kauli mbiu hii inaipa kipaumbele jamii katika kushika hatamu katika kuelekea kutokomeza maambukizi ya UKIMWI ifikapo 2030.