HALMASHAURI YATOA MKOPO WA TSH. 92,150,000.00 KWA VIKUNDI 15 VYA VIJANA NA WANAWAKE

Posted on: October 23rd, 2020

Halmashauri ya Wilaya ya Missenyi leo tarehe 23/10/2020 imetoa mkopo wa Tsh. 92,150,000.00 kwa jumla ya vikundi 15,kati ya hivyo 10 ni wanawake na vikundi 5 ni vijana. Utoaji mkopo huu ni mwendelezo wa utaratibu ambao Halmashauri imekuwa ikifanya kila robo mwaka kwa kutoa mikopo kwa makundi ya vijana, wanawake na walemavu. Hii inafanya Halmashauri kuwa imetoa jumla ya kiasi cha Tsh. 665,596,840/=ndani ya kipindi cha miaka mitano ambapo jumla ya vikundi 298, vikundi 178 ni vijana, 105 ni wanawake na 15 ni walemavu.

Katika mwaka wa fedha 2020/ 2021 kwa robo ya kwanza july – Septemba 2020  Halmashauri imekopesha fedha kiasi cha Tsh. 82,750,000/= kwa vikundi 23, wanawake ni vikundi 18  vilivyokopeswa Tsh. 58,000,000/= ,vikundi vya vijana 4  vilivyokopeshwa Tsh. 21,750,000 na  kikundi 1 cha watu wenye ulemavu Tsh 3,000,000. Aidha   kumekuwepo na mabadiliko makubwa ya mwamko wa ukopaji  mwaka hadi mwaka na Halmashauri imekuwa ikitimiza wajibu wake kwa kila mwezi kuweka asilimia kumi ya mapato ya ndani  katika akaunti ya Wanawake Vijana na watu wenye ulemavu.

Katika mikopo iliyotolewa leo, Jumla ya Pikipiki pikipiki 11 aina ya Bajaj Boxer zimetolewa kwa vikundi viwili ambavyo ni; Vijana bodaboda kutoka kata ya Kakunyu na UWEBU kutoka Bugandika. Vikundi vingine vilivyopata mkopo ni pamoja na Tweyambe Kilimilile(Kilimilile), Kazi na Malengo (Nsunga), Akatanyukwile (Minziro), KAOFACO (Bunazi), Bikolwa engozi (Nsunga), Funguka Buchurago (Bugorora), Maendeleo Rubale(Kyaka), Elimika Group (Kyaka) na Abagambakamoi(Gera). Vingine ni Kikundi cha Juhudi(Kassambya), Wanawake Tuinuane (Kanyigo), Riziki (Kyaka) na Mtazamo Rwamachi(Buyango).

Picha: Baadhi ya wanufaika wa mkopo wakifanya majaribio ya Pikipiki walizopewa

Akisoma taarifa ya utoaji mikopo hiyo, Mkuu wa Idara ya Maendeleo ya Jamii Bi. Beatrice Sanga amesema  Baada ya mikopo hii kutolewa tunatarajia manufaa mbalimbali kwenye vikundi husika na jamii kwa ujumla. Manufaa hayo ni pamoja na kupanua mitaji,upatikanji wa ajira,kuongeza uzalishaji wa bidhaa ili kukidhi hitaji la soko,kupunguza kama siyo kuondoa vitendo hatarishi vya uzululaji na magenge ya uvivu na kupunguza umaskini. Vilevile Halmashauri itaongeza vyanzo vyake vya mapato vinavyoelekeana na ujasiliamali.

Bi. Sanga ametaja baadhi ya mafanikio yaliyo yaliyopatikana hadi sasa ni pamoja na: Halmashauri imeweza kutoa mafunzo kwa viongzi wa vikundi kwa vikundi  85 juu ya utunzaji wa fedha ,ujasiliamali  na maandiko ya miradi  na utaratibu wa uombaji mikopo na usajili, Wanachama wa vikundi hivi wamepata ajira na utegemezi kwa wenza wao umepungua. Mafanikio mengine ni kuweza kupata mahitaji muhimu ya familia zao hasa kwa watoto wa shule kupanua wigo wa uelewa kwa kuongeza uzalishaji na kupanua miradi yao.

Nae Mkuu wa Wilaya ya Missenyi Col. Denis Filangali Mwila ambae pia ndiye aliyekuwa mgeni rasmi wa hafla ya ugawaji mikopo  amewataka wanufaika wa mikopo kuwa waaminifu na wakatumie mikopo hiyo kujikwamua kiuchumi. Wakati huohuo Mkurugenzi Mtendaji wa Wilaya ya Missenyi Ndugu Innocent Mukandala ametoa wito kwa vijana, wanawake na walemavu kuchangamkia fursa ya mikopo kwani kuna zaidi ya milioni 100 kwenye akaunti zinasubiri wakopaji.