HAKIKISHENI WANAFUNZI WOTE WALIOCHAGULIWA WANAFIKA SHULENI

Posted on: December 28th, 2023

Leo tarehe 28/12/2023 Mheshimiwa Mkuu wa Wilaya Missenyi Kanali Hamis Mayamba Maiga ameanza ziara yake ya siku mbili katika kata za Kakunyu na Mutukula kwa ajili ya kukagua miradi ya maendelo pamoja na kujitambulisha kwa wananchi wa Wilaya hio.

Zira yake Wilayani humo ni yakwanza tangu ahamie katika Wilaya ya Missenyi kufuatia uteuzi na uhamisho wa viongozi uliofanywa na Mheshimiwa Rais wa Jamhuri ya Muungano wa Tanzania Dkt. Samia Suluhu Hassan mnamo tarehe 14/12/2023 ambapo Kanali Maiga alihamishwa kutoka Wilaya ya Rombo kwenda Wilaya ya Missenyi na Aliekua Mkuu wa wilaya ya Missenyi Mhe. Kanali Wilson Sakulo kuhamia Wilaya ya Ngorongoro.

Akiwa katika Kata ya Kakunyu Kanali Maiga alikagua Miradi miwili ambayo ni Shule mpya ya Sekondari ya Bugango iliyojengwa kwa gharama ya shilingi milioni 580 kutoka Serikali Kuuu na kituo cha Afya Kakunyu kinachojengwa kupitia mapato ya ndani ya Halmashauri chenye thamani zaidi shilingi milioni 500.

Akiwa katika shule ya Sekondari Kakunyu aliridhishwa na ubora wa utekelezaji wa mradi huu wenye Jengo lenye vyumba 02 vya madarasa, jengo lenye vyumba 02 na ofisi 01 ya walimu, Jengo la utawala, jengo lenye maabara ya Kemia na Bailojia, Jengo lenye Maabara ya Fizikia, jengo la Maktaba, Jengo la TEHAMA, Kichome taka, Tenki la Maji la ardhini na Jengo la Vyoo vya wanafunzi Wasichana lenye matundu 04 na Chumba maalum kwa wasichanana na Jengo la Vyoo vya wanafunzi wavulana lenye matundu 04 na vyoo vyote vikiwa na huduma kwa wanafunzi wenye mahitaji maalum.

"Naishukuru sana serikali ya awamu ya sita inayoongozwa na Mhe.Rais Dkt. Samiah Suluhu Hassan kuamua kujenga shule hii katika eneo hili la Bugango kwani ni neema na heshima kubwa sana katika eneo hili la Bugango" Alisema Kanali Maiga.

Niwapongeze Halmashauri kwa kusimamia ujenzi huu kwani majengo yaliyokamilika  yapo katika viwango na ubora uliotakiwa na niwaelekeze Halmashauri wakakikishe mapungufu hayo  yanafanyiwa kazi ili ujenzi ukamilike kwa asilimia 100.

"Ombi langu kwa wananchi wa Bugango mnatakiwa kuhimiza watoto wote waliochaguliwa kuja katika shule hii  wanafika kama walivyochaguliwa , Shirikianeni na walimu kulinda na kuitunza miundo mbinu hii ya kisasa ili iweze kuwa endelevu na mwisho muwape ushirikiano walimu na watumishi wote watakaoletwa hapa ili lengo la wao kuletwa hapa liweze kuonekana kwa wakati na ubora uliokusudiwa na serikali" Alisema Kanali Maiga.

Kwa upande wake Mhe. Diwani wa Kata ya Kakunyu Richard Mbekomize kwaniaba ya Wanchi wa Kata ya Kakunyu alimshukuru sana Mheshimiwa Rais kwa miundo mbinu ilioletwa katika kata ya kakunyu kwani imeondoa changamoto ya kutembea umbali mrefu kufuata huduma za elemu na afya katika Kata na nchi jirani.

Ziara  hii ya siku mbili ya Mhe. Mkuu wa Wilaya ya Missenyi itaendelea kesho tarehe 29/12/2023 katika Kata ya Mutukula kwa kukagua Mradi wa ujenzi wa Mnada wa Nkerenge na kufanya kikao na viongozi wa Kata ya Mutukula.