MWENGE WA UHURU UMEPOKELEWA WILAYA YA MISSENYI

Posted on: October 10th, 2022

Mwenge wa Uhuru umepokelewa Wilaya ya Missenyi  ukitokea Wilaya ya Kyerwa leo tarehe 10/10/2022.

Mkuu wa wa Wilaya ya Kyerwa Mheshimiwa Rashidi Mohamed Mwaimu alimkabidhi Mkuu wa Wilaya ya Missenyi Kanali Wilson Sakulo Mwenge wa Uhuru katika Shule ya Msingi Kyaka iliopo Kata ya Kyaka ambapo makabidhiano yalifanyika mapema leo asubuhi.

Mwenge wa uhuru ukiwa Wilaya ya Kyerwa  ulikimbizwa kilomita 55.5  na  miradi iliotembelewa, kuzinduliwa na kuwekewa mawe ya msingi ni jumla ya miradi 04 yenye thamani ya shilingi milioni 428.82.

Mwenge wa uhuru ukiwa katika Wilaya ya Missenyi utakimbizwa kwa umbali wa kilomita 91.3  kwa ajili ya kukagua, kutembelea, kuzindua na kuweka mawe ya msingi ya Miradi 04 yenye thamani ya shilingi Milioni 932.1

Mwenge wa uhuru siku ya leo utaanzia katika Mradi wa Maji wa Byamtemba - Byeju, pili Mradi wa Vyumba viwili vya madarasa shule ya Sekondari Bunazi, kisha kuelekea Mradi wa barabara ya Mabuye - Itara yenye urefu wa km 2.4 na kuelekea  Mradi wa usafi na Mazingira katika Kituo cha afya Bunazi na Mwisho kuelekea katika eneo la Mkesha katika uwanja wa Mashujaa.

Katika Mkoa wa Kagera tayari halmashauri za Ngara DC, Karagwe DC, Kyerwa DC,  wamekamilisha kukimbiza mwenge wa uhuru na leo ni zamu ya Wilaya ya Missenyi na baada ya hapo mwenge utaelekea  Wilaya ya  Bukoba DC, Muleba DC na mwisho kabisa Bukoba MC ambapo kilele cha kuhitimisha Mbio za mwenge kitafanyika tarehe 14/10/2022.