MIRADI YENYE THAMANI YA TSHS MILIONI 325.1 YATEMBELEWA KATIKA ROBO YA TATU

Posted on: April 18th, 2023

Kamati Fedha, Utawala na Mipango ikiongozwa na mwenyekiti wa halmashauri ya wilaya ya Missenyi Mhe. Projestus Tegamaisho leo tarehe 18 Aprili 2023 imeanza ziara ya siku mbili ya ukaguzi wa miradi ya maendeleo yenye thamani ya shilingi milioni 325.1 katika robo ya tatu ya mwaka wa fedha 2022/2023.

Akizungumza na kamati hio wakati wa ukaguzi wa miradi Mhe. Tegamaisho alisema miradi inayotembelewa vyanzo vyake vya fedha ni kutoka Mapato ya ndani pamoja na serikali kuu  na lengo kuu la kutembelea miradi ni kuona thamani ya fedha katika miradi  na hatimaye taarifa ya maendeleo ya miradi iliokaguliwa itawasilishwa katika baraza la madiwani linalotarajiwa kufanyika mwishoni mwa mwezi Aprili 2023.

"Niwatoe hofu kwamba miradi yote katika Tarafa ya kiziba  tulioitembelea tumeiona thamani ya fedha na nichukue  nafasi hii kuwapongeza wasimamizi wote wa miradi hususani Walimu kwani wamefanya kazi kubwa na inayo onekana" Alisema Bw. Tegamaisho.

Kwa upande wake Afisa mipango wa Halmashauri ya wilaya ya Missenyi Bw. Julian Tarimo alieleza kwamba  jumla ya miradi itakayotembelewa kwa siku mbili,  kwa tarafa ya kiziba ni ukamikishaji wa ujenzi wa nyumba ya mwalimu shule ya sekondari Gera (Tshs milioni 10), ukamilishaji wa bweni shule ya sekondari Bwanjai (Tshs milioni 25), ukarabati wa vyumba 02 vilivyoezuliwa na upepo katika shule ya Msingi Rutageruka( Tshs milioni 26), ukamilishaji wa vyumba 02 vya madarasa shule ya msingi Bugandika II (Tshs milioni 10) na ukamilishaji wa bweni la wanafunzi shule ya sekondari Ruzinga (Tshs milioni 25) na fedha zote ni kutoka mapato ya ndani.Aidha siku ya pili ziara itaendelea katika tarafa ya Missenyi katika miradi ya mapato ya ndani katika kitalu cha miche ya Kahawa na parachichi (Tshs milioni 7.9), ukamilishaji wa nyumba ya walimu ya  2 kwa 1 katika shule ya sekondari Bunazi (Tshs milioni 20), ujenzi wa eneo la maegesho ya malori Mutukula na ujenzi wa kalavati katika soko la mazao Mutukula (Tshs milioni 186) na Miradi ya serikali kuu ni Ujenzi wa matindu 06 ya vyoo katika shule ya msingi Itara (Tshs milioni 6.6), ujenzi wa nyumba ya walimu ya 2 kwa 1 katika shule ya msingi Itara (Tshs milioni 100) na Ukamilishaji wa chumba 01 cha darasa katika shule ya msingi Gabulanga