RC CHALAMILA: WANAFUNZI WOTE WARIPOTI SHULENI

Posted on: February 3rd, 2023

Mheshimiwa Mkuu wa Mkoa wa Kagera Mhe. Albert Chalamila leo tarehe 03 Februari 2022 ameweka jiwe la msingi katika mradi wa ujenzi wa bweni la wanafunzi wakiume katika shule ya sekondari Kagera iliopo katika halmashauri ya Wilaya ya Missenyi katika kata ya Kyaka lenye uwezo wa kubeba wanafunzi 120 kwa wakati mmoja.Akizungumza na wanachi baada ya kuweka jiwe la msingi na kukagua vyumba viwili vya madarasa Mhe. Chalamila alipongeza ujenzi unaondelea na kuwasihi wazazi Wilayani humo wahikikishe watoto wanaripoti shuleni wote kama ilivyofanyika katika shule ya sekondari Kagera ambapo mpaka siku ya ziara wanafunzi walisharipoti kwa asilimia 100.

Waakati akitoa ufafanuzi wa mradi Mwenyekiti wa Halmashauri ya Wilaya ya Missenyi ambaye pia ni Diwani wa Kata ya Kyaka Mhe. Projestus Tegamaisho alisema Halmashauri imetoa kiasi cha shilingi milioni 80 kutoka mapato ya ndani ingawa gharama ya mradi wote ni Tsh 125,930,000.00 ambapo mpaka sasa Bweni limeezekwa na lipo hatua ya kupigwa plasta na fedha iliyotumika ni Tsh 79,173,300.00.

Hata hivyo Mkurugenzi Mtendaji wa Halmashauri ya Wilaya ya Missenyi amesisitiza kwamba ili kuweza kukamilisha mradi huu, kwa awamu ya pili Halmashauri tayari imetenga bajeti ya kiasi cha shilingi milioni 40 kutoka mapato ya ndani kwa ajili ya uendelevu wa ukamilishaji wa mradi.

Aidha Mheshimiwa mkuu wa mkoa alikagua vyumba viwili vya madarasa ambavyo vimekamilia kwa asilimia 100 vilivyojengwa kwa ajili ya kidato cha kwanza ambapo alimshukuru Mheshimiwa Rais wa Jamhuri ya Muungano wa Tanzania Dk Samia Suluhu Hassan kwa kutoa shilingi milioni 80 zilizojenga vyumba hivyo.