DC MISSENYI : NAWAAGIZA VYOMBO VYA DOLA KUHAKIKISHA MNAZUIA UKATILI WA KIJINSIA.

Posted on: March 8th, 2023

Mkuu wa wilaya ya Missenyi Kanali Wilson Sakulo katika kuadhimisha siku ya wanawake duniani ameviagiza vyombo vya dola kuhakikisha wanazuia ukatili wa kijinsia katika jamii  ili kuendelea kuimarisha haki na usawa katika jamii.

"Taarifa zote mbili zilizotolewa na jeshi la polisi Missenyi kupitia Dawatia la jinsia na pamoja na taarifa ya divisheni ya maendeleo ya jamii Halmashauri ya Missenyi zote zinaelezea ukatili wa kijinsia" Alisema Kanali Sakulo

Kutokana na uelewa mdogo wa masuala ya kijinsia katika jamii kanali Sakulo ameagiza mikutano yote katika kufanya mikutano yote inayohusisha jamii lazima wanaalikwa watu wa dawati la Jinsia ili kutoa elimu kwa wanachi juu ya masuala ya kijinsia katika jamii.

Katika taarifa iliyotolewa na jeshi la polisi kupitia dawati la jinsia na watoto wilaya ya missenyi ni kwamba matukio ya ukatili wa kijinsia  yanayotokea mara kwa mara katika wilaya ya Missenyi ni pamoja na Mauaji, ubakaji, kutelekeza familia, mimba kwa wanafunzi, kutorosha wanafunzi, mashambulio ya kudhuru mwili au kujeruhi na kutishia haswa kwa wanandoa au wapenzi.

"Jeshi la polisi limekua mstari wa mbele kutoa elimu juu ya athari za vitendo vya kijinsia hali inayoongeza utayari wa kutoa taarifa pindi linapotokea tukio la kiunyanyasaji au wanapoona vitendo hivi vikitendeka" Alisema Bi Grace Matofali.

Kwa upande wake mkuu wa Divisheni ya maendeleo ya jamii Bi Beatrice Sanga alisema maadhimisho haya ni muhimu sana katika kupaza sauti kwa pamoja kuhusu haki za wanawake kwa kushirikiana na wanaume ili kuhakikisha usawa wa kijinsia unazingatiwa katika nafasi mbalimbali za maamuzi kwa kuhakikisha ukatili wa kijinsia unakomeshwa kabisa.

Maadhimisho haya yaliambatana na maandamano ya amani ya wanachi na watumishi kutoka taasisi mbalimbali, michezo maigizo,nyimbo na harambee kwa ajili wa ujenzi wa bweni la wasicha katika shule ya sekondari buyango ambapo zilipatikana fedha taslimu shilingi  463,100 na ahadi shilingi 730,000/- pamoja na ahadi ya mifuko 20 ya saruji.