MWENGE WA UHURU WAWASILI MISSENYI

Posted on: October 5th, 2021

Mbio za Mwenge maalumu wa Uhuru leo tarehe 05/10/2021 majira ya saa moja na robo asubuhi umekabidhiwa rasmi Wilayani hapa na kupokelewa na Mkuu wa wilaya ya missenyi Kanali Wilson Sakulo ukiwa unatokea wilayani Kyerwa.

Akipokea mwenge maalumu wa uhuru Mkuu wa wilaya ya Missenyi  Kanali Wilson Sakulo amesema mwenge huu utatembelea jumla ya miradi 11 yenye thamani ya jumla ya shilingi Bilioni 11.5. Aidha kati ya miradi hiyo, miradi 4 itazinduliwa, miradi 2 itawekewa mawe ya msingi na miradi mitano itakaguliwa.

Kabla ya kuanza kutembelea miradi iliyo pangwa, Kiongozi wa mbio maalumu za mwenge kitaifa  Luteni Josephine Mwambashi ameomba ushirikiano wa kutosha huku akitoa angalizo la namna zoezi la ukaguzi litakavyo kuwa. “Naomba nitoe angalizo ili tuanze pamoja na tumalize pamoja, tutaenda kuangalia thamani ya fedha iliyo tumika katika mradi kwa kulinganisha na miradi yenyewe ili kuona namna waliopewa jukumu la kusimamia miradi hiyo walivyofanya kazi yao kikamilifu”. Amesema Mwambashi huku akitaka kukuta nyaraka zote za miradi na watu wote waliohusika kusimamia utekelezaji wa mradi husika. Mwisho, Mwambashi amewasistiza wananchi kuendelea kuchukua tahadhari dhidi ya ugonjwa wa Uviko 19 kwa kuvaa barakoa na kujitakasa mikono. Baada ya kuongea hayo, mwenge wa uhuru umeanza rasmi ukaguzi wa miradi wilayani hapa