Halmashauri ya wilaya ya Missenyi yatoa Mikopo yenye thamani ya Tsh 114,156,600 kwa wanawake na vijana

Posted on: November 20th, 2017

Kwa mwaka wa fedha 2016/2017, kiasi kilichotolewa na Halmashauri ya Wilaya ya Missenyi kwa mikopo ya wanawake na vijana ni Tsh. 78,850,000/=. Vikundi vya vijana vilivyonufaika ni 26 na vimepata mkopo wenye thamani ya Tsh. 41,300,000/= huku vikundi vya wanawake 24 vikinufaika kwa kupata mkopo wenye thamani ya Tsh. 37,550,000/=

Kwa mwaka wa fedha 2017/2018 kiasi kilichotolewa na Halmashauri ya wilaya ya Missenyi kwa mikopo ya wanawake na vijana ni Tsh. 35,306,600/=. Vikundi 12 vya vijana vimepata mkopo wenye thamani ya Tsh 13,600,000/= na vikundi 13 vya wanawake vimenufaika kwa kupata mkopo wenye thamani ya Tsh. 21,706,600/=.

Aidha, vikundi hivi hujishughulisha na miradi mbali mbali kwa ajili ya kujiongezea kipato. Miradi hiyo ni :-  biashara ya kuuza samaki na dagaa, ufugaji wa kuku wa kienyeji, ufugaji wa nguruwe, ng’ombe pamoja na mbuzi wa maziwa. Miradi mingine ni Kilimo cha mahindi na maharage, bustani za mbogamboga, uuzaji wa duka na mgahawa, uuzaji wa ndizi, sabuni za kufulia, utengenezaji wa batiki, uvunaji na uuzaji wa asali pamoja na shughuri za useremala.