WASIMAMIZI WA VITUO VYA KUPIGIA KURA UCHAGUZI WA SERIKALI ZA MITAA WAPEWA MAFUNZO

Posted on: November 23rd, 2024

Wasimamizi wa vituo vya kupigia Kura katika Uchaguzi wa Serikali za Mitaa katika Halmashauri ya Wilaya ya Missenyi wamepewa mafunzo kwa ajili ya usimamizi wa zoezi la Kupiga kura linalotarajiwa kufanyika 27 Novemba, 2024.

Akifungua Mafunzo hayo Msimamizi wa Uchaguzi katika Halmashauri ya Wilaya ya Missenyi Bw. John Paul Wanga amewataka wasimamizi hao kuzingatia kanuni na miongozo iliotolewa kwa ajili ya uchaguzi wa serikali za mitaa 2024 ili kuleta ufanisi katika zoezi hilo.

Aidha, aliwataka wasimamizi wavituo kuhakikisha siku ya uchaguzi wanafika mapema kwenye vituo vya kupigia kura ili zoezi la kupiga kura liweze kuanza bila kuchelewa kama ilivyotajwa kwenye miongozo.

Mafunzo haya kwa upande wa Tarafa ya Kiziba yamefanyika kwenye Ukumbi wa Hospitali ya Mugana na katika Tarafa ya Missenyi yamefanyika katika ukumbi Mkubwa wa Halmashauri ya Wilaya ya Missenyi leo tarehe 23 Novemba, 2024.

Ikumbukwe kua, kwa mujibu wa Kalenda ya Matukio ya Uchaguzi wa Serikali za Mitaa 2024 kwa sasa ni kipindi cha Mikutano ya Kampeni kwa vyama vya siasa zilizo anza mnamo tarehe 20 Novemba, 2024 na zinatarajiwa kuhitimishwa tarehe 26 Novemba, 2024 na siku ya Uchaguzi ni tarehe 27 Novemba, 2024 ambapo vituo vyote vitakua wazi kuanzia saa mbili kamili asubuhi hadi saa kumi kamili jioni.