Wananchi wa Kabingo watakiwa kuongeza kasi uchangiaji miradi

Posted on: April 26th, 2017

Wananchi kijiji cha Kabingo Kata Bugorora, Wilayani Missenyi wametakiwa kuongeza kasi atika uchangiaji wa miradi ya elimu na kuongeza ujenzi wa vyumba vya madarasa katika Shule ya msingi Gwankimba kwa lengo la kuwawezesha wanafunzi kupata nafasi ya kusoma.

Akizungumza wakati wa ziara ya ukaguzi wa miradi ya maendeleo inayotekelezwa Wilaya Mwenyekiti wa Kamati ya Fedha, Utawala na Mipango ambaye ni Mwenyekiti wa Halmashauri ya Wilaya Mh.Projestus Tegamaisho amesema kasi ya uchangiaji maendeleo miongoni mwa wananchi wa kijiji Kabingo imekuwa sio ya kuridhisha hasa ya kuchangia ujenzi wa vyumba vitatu vya madarasa vilivyoezuliwa ”Halmashauri ya Wilaya imetoa kiasi cha shilingi milioni thelathini kwa ajili ya kukamilisha ujenzi huo ila inaonekana nguvu ya wananchi ni ndogo katika michango, Hivyo jamii inapaswa kufanya jitihada za madhubuti maana tofauti na hapo Halmashauri haitaleta fedha nyingine hapa” alisema

Aidha shule hiyo mwanzoni mwa mwezi Februari mwaka huu vyumba vya madarasa  vitatu vilielevuliwa na upepo mkali ulioambatana na mvua kali jambo linalofanya kujenga madarasa ya muda kwa ajili ya kutumia wanafunzi walioathirika.

Katika ziara hiyo Wajumbe wa Kamati ya Fedha,Utawala na Mipango walifanikiwa kutembelea miradi mbalimbali ya sekta za Afya, Maji pamoja na Elimu