Wananchi Missenyi watakiwa kutunza miundombinu ya Maji

Posted on: April 20th, 2017

Wananchi wa Wilaya Missenyi wametakiwa kuitunza miundombinu ya maji ili kuepuka adha ya kukosa huduma hiyo muhimu.

Mhandisi wa Maji Wilaya ya Misssenyi Abdallah Gendaeka amesema hayo wakati wa mafunzo ya siku moja ya Viongozi wa Jumuiya za Watumiaji Maji yaliyofanyika katika Ukumbi wa Makao Makuu ya Halmashauri ya Wilaya ya Missenyi.

Amesema endapo miundombinu hiyo itaharibika itasababisha hasara siyo tu kwa Serikali inayotumia gharama gharama kubwa kutengeneza bali hata kwa wananchi kuhangaika kupata huduma hiyo.

Aidha alieleza mpaka sasa ni asilimia 58 ya wananchi wa Wilaya Missenyi wanapata huduma ya maji safi na salama, hata hivyo kwa mikakati iliyopo ni kuhakikisha kuwa asilimia 71 ya wananchi wanafikiwa na huduma ya maji safi na salama ifikapo Juni 2017.