UKARABATI WA VITUO VYA RASILIMALI ZA WAKULIMA KATA ZA NSUNGA NA KITOBO WAKAMILIKA

Posted on: April 19th, 2018

Ukarabati wa vituo vya rasilimali kwa wakulima na wafugaji  katika kata za Kitobo, Nsunga na Kilimilile umekamilika. Vituo hivyo ambayo lengo lake kuu ni kutoa ushauri pamoja na mafunzo kwa wananchi wa kata husika na maeneo jirani.  Akizungumza  na baadhi ya wataalamu wa kilimo na Mifugo waliofika kushuhudia zoezi la ukaguzi wa kituo hicho, Mwenyekiti wa Halmashauri ya Wilaya ya Missenyi Mh. Projestus Tegamaisho alisema vituo hivyo viwe chachu ya maendeleo kwa wakulima na wafugaji wanaozunguka kituo hicho. “Ntashangaa sana iwapo kituo hiki cha kihistoria hakitatumika kama inavyotegemewa, wananchi wa kata ya Kitobo changamkieni fursa hii” alisema hayo Mwenyekiti wa halmashauri ya Missenyi wakati akikagua kituo cha rasilimali za wakulima kilichopo kata ya Kitobo.

Naye Afisa Mifugo wilaya Missenyi Dr. Stephene Makula amewataka wafugaji kukitumia vizuri kituo hicho ili kuboresha uzalishaji wa Mifugo yao.