UKAGUZI WA MIRADI YENYE THAMANI YA SHILINGI BILIONI 1.3 KWA ROBO YA PILI YA MWAKA WA FEDHA 2022/23ROBO YA

Posted on: January 20th, 2023

Kamati ya Fedha, Utawala na Mipango katika  Halmashauri ya Wilaya ya Missenyi leo tarehe 20 Januari 2023 imefanya ziara ya  kukagua miradi ya maendeleo katika tarafa ya kiziba yenye thamani ya shilingi milioni 320 kutoka vyanzo mbalimbali vya fedha ikiwa ni pamoja na serikali kuu na mapato ya ndani ya Halmashauri.

Akiwa katika ziara ya siku mbili Mwenyekiti wa halmashauri ya Wilaya ya Missenyi Bw. Projestus Tegamaisho ameongoza kamati hiyo katika ukaguzi wa miradi 5 iliopo Tarafa ya Kiziba katika Kata za Kashenye, Kanyigo, Bugandika na Buyango.

Miradi hiyo iliyotembelewa ni pamoja na Ujenzi wa Chumba kimoja kimoja  cha Darasa katika Shule za Sekondari za Kashenye, Bugandika na Buyango wenye thamani ya shilingi milioni 20 kwa kila chumba kimoja huku chanzo cha fedha kikiwa ni serikali kuu, Mradi wa ukarabati wa Mwalo wa Kabindi wenye thamani ya shilingi Milioni 10 na chanzo cha fedha kikiwa ni Mapato ya Ndani na muendelezo wa Mradi wa Ujenzi wa Kituo cha Afya  Kanyigo kwa awamu ya pili katika jengo la Wazazi, Jengo la Kufulia na Jengo la Upasuaji huku gharama za ujenzi zikiwa ni shilingi Milioni 250 kutoka Serikali Kuu.

Bw. Tegamaisho amesisitiza kwamba  lengo mahsusi la ziara ni kufanya ukaguzi wa miradi inayoendelea kujengwa ili kujiridhisha ubora  wake pamoja na  kulinganisha thamani ya fedha zilizotolewa na serikali.

Siku ya Jumamosi terehe 21 Januari 2023 ziara itaelekea katika tarafa ya Missenyi  kukagua miradi 08 ya maendeleo yenye thamani ya shilingi Bilioni 1.0 iliopo katika Kata za Kyaka, Kassambya, Mushasha, Kakunyu  na Mutukula.

Miradi hiyo itakayotembelewa ni pamoja na Ujenzi wa Bweni shule ya Sekondari ya Kagera, Ujenzi wa chumba 1 cha darasa shule ya sekondari Kagera, Ujenzi wa jengo la abiria katika stendi ya Kyaka,Uakmilishaji wa bweni la wanafunzi wenye mahitaji maalumu shule ya Msingi Bunazi,Matengenezo ya barabara ya Kyenjubu, Ujenzi wa hospitali ya Wilaya,Ujenzi wa chumba cha darasa Kakunyu Sekondari,Ujenzi wa kituo cha afya Kakunyu na Ujenzi wa eneo la maegesho Mutukula na ujenzi wa kalavati katika soko la mazao Mutukula.