TUZO: MISSENYI DC YAIBUKA MSHINDI WA PILI KWA UTOAJI WA HUDUMA.

Posted on: September 22nd, 2023

Halmashauri ya Wilaya ya Missenyi imeibuka mshindi wa pili katika mashindano yaliyo andaliwa na Ofisi ya Mkuu wa Mkoa wa Kagera ikiwa ni sehemu ya kujipima na kujitathmi katika utendaji wa Halmashauri nane za Mkoa wa Kagera.

Mashindano haya yalijikita katika Mwaka wa fedha 2022/2023 katika maeneo ya Ukusanyaji wa Mapato ya Ndani, Usimamizi na Utekelezaji wa Miradi ya Maendeleo, Ukamilishaji wa Hoja za Ukaguzi, Kiwango cha Ufaulu kwa shule za Msingi na Sekondari, Upelekaji wa Fedha za Maendeleo yaani 40% kutoka Mapato ya ndani, Utoaji wa fedha za 10% kutoka Mapato ya ndani kwa Wanawake, Vijana na wenye ulemavu, Kutenga na kupeleka Fedha za lishe shilingi elfu moja kwa kila mtoto chini ya miaka 05, Uwasilishaji wa taarifa muhimu  mbalimbali kwa wakati na Usahihi, Usimamizi na uhifadhi wa Mazingira na Utoaji wa Mrejesho kwenye tovuti za Halmashauri.Halmashauri ilioshika nafasi ya kwanza ni Kyerwa Dc wakiwa na Wastani wa alama 93 wakifuatiwa na Missenyi Dc 89, Ngara DC 83, Karagwe DC 82, Muleba DC 81, Biharamulo DC 80, Bukoba DC 79 na nafasi ya Mwisho ilishikiliwa na Manispaa ya Bukoba waliopata wastani wa alama 66.

Tuzo za mashindano haya zimetolewa na Mheshimiwa Waziri Mkuu wa Jamhuri ya Muungano wa Tanzania Kassim Majaliwa kataka hafla ya kufunga Mafunzo yaliofanyika katika ukumbi wa ELCT Bukoba kwa muda wa siku tano.