TSH.MILIONI 139.2 ZATOLEWA KWA MAKUNDI YA VIJANA WANAWAKE NA WALEMAVU

Posted on: March 9th, 2021

Halmashauri ya Wilaya Missenyi imetoa mikopo isiyo na riba kiasi cha shilingi milioni 139.2 kwa  vikundi vya wajasiriamali 27

Zoezi lakukabidhi mikopo hiyo limefanyika leo jumanne tarehe 09/03/2021 wakati wa Mkutano wa Baraza Maalum la Madiwani kwa ajili ya kujadili Mpango na Bajeti kwa mwaka wa fedha 2021/2022

Mkuu wa Idara ya Maendeleo ya jamii halmashauri ya Missenyi Beatrice Sanga amesema kuwa kiasi cha shilingi 139,200,000/= kimekopeshwa kwa vikundi 27 ikiwa vikundi 14 ni vya wanawake milioni 61, vikundi 12 ni vya vijana waliokopeshwa milioni 75.2 na kikundi 1 cha watu wenye ulemavu waliokopeshwa  shilingi milioni 3

Bi Beatrice amesema kwa mwaka wa fedha 2020/2021 halmashauri ilipanga kutoa mikopo yenye thamani ya shilingi milioni 245 asilimia 10 ya mapato yake ya ndani nakuwa kufikia leo imeshatoa kiasi cha shilingi milioni 205.5

Baada yakukabidhi mikopo hiyo iliyohusisha pikipiki na fedha, Mwenyekiti wa Halmashauri ya Wilaya Missenyi Projestus Tegamaisho amevitaka vikundi vilivyokopeshwa kuhakikisha vinatumia fedha kwa malengo yaliyokusudiwa nakurejesha kwa wakati

"Moja ya tatizo tulilo nalo vikundi vingi vinakuwa na furaha wakati wakupokea lakini mnakuwa na matatizo wakati wa urejeshaji mpaka tunalazimika kuwatafuta kwa nguvu siyo tabia nzuri.Fedha tulizowapa zitumieni kama mlivyoomba msibadilishe matumizi tutakuja kuwakagua"amesema Tegamaisho

Kaimu Mkuu wa Wilaya Missenyi Godfrey Mheluka ameipongeza halmashauri kwakutelekeza matakwa ya kisheria nakuwataka waliokopeshwa kutumia vizuri fedha walizokopeshwa ziwasaidie kuwainua Kiuchumi Kama ilivyo dhamira ya serikali ya awamu ya tano ya Rais John Pombe Magufuli

"Fedha mlizopewa vsiyo zawadi ni za mzunguko zitumieni vizuri na mzirejeshe kwa wakati ili na wengine wakope.Nyie vijana msizitumie kuoa au kuongeza mke wa pili tunataka mjenge Uchumi wenu uendane na Tanzania iliyofikia Uchumi wa Kati" amesema Mheluka

Taarifa kwa hisani ya Respicius John RK