SHILINGI BILIONI 46.4 YAPITISHWA KUWA BAJETI YA HALMASHAURI YA WILAYA YA MISSENYI KWA MWAKA WA FEDHA 2023/2024

Posted on: January 27th, 2023

Baraza la Madiwani Halmashauri ya Wilaya ya  lililofanyika kwa siku mbili kuanzia tarehe 26 na 27 Januari 2023 limepitisha bajeti ya Halmashauri yenye thamani ya shilingi shilingi bilioni 46.4 kwenye mkutano maalum wa baraza la madiwani wa kujadili mpango na bajeti ya Halmashauri kwa mwaka wa fedha  2023/2024.

Jumla ya bajeti hio inajumuisha Bilioni 4.5 kutoka mapato ya ndani, Bilioni 30.3 kwa ajili ya mshahara, Milioni 763.4 kwa ajili ya Ruzuku na Matumizi ya kawaida,  Bilioni 7.9 kwa ajili ya Miradi ya maendeleo na fedha kutoka kwa wahisani mbalimbali ni jumla ya shilingi bilioni 2.7.

Aidha baraza hilo limempongeza Mkuu wa Wilaya ya Missenyi Kanali Wilson Sakulo kwa kuteuliwa tena na kuendelea kuwa Mkuu wa Wilaya ya Missenyi.

Akitoa pongezi hizo Mhe. Mwenyekiti wa Halmashauri ya Wilaya ya Missenyi Bw. Projestus Tegamaisho amesema kwamba jutihada za Mhe. Mkuu wa Wilaya na kamati yake wamekua na ushirikiano mkubwa sana na ndio maana mapato ya

Wilaya yetu yameongezeka kwa kiasi kikubwa.

"Ni matarajio yetu kwamba awamu hii tutakua wakwanza kimkoa katika makusanyo ya mapato kutokana na msaada tulioupata kutoka kwa Mhe. Mkuu wa Wilaya" amesema Bw. Tegamaisho.

Mkutano huu wa siku mbili umeanza jana  kwa kufanya Mapitio ya utekelezaji wa mpango na bajeti ya Halmashauri kwa mwaka wa fedha 2021/2022 na 2022/2023 na  kumalizika leo tarehe 27/01/2023.