RC MWASSA: TUNATAKA KUWA KATIKA ORODHA YA MIKOA KUMI BORA KIUCHUMI

Posted on: September 18th, 2023

Leo tarehe 18 Septemba, 2023 Mheshimiwa Mkuu wa Mkoa wa Kagera Hajjat Fatma Mwassa amefungua mafunzo ya siku tano ya Uongozi kwa viongozi wa Mkoa wa Kagera.

Mafunzo haya yamejumuisha Wakuu wa Wilaya, Makatibu Tawala wa Wilaya, Wakurugenzi, Viongozi wa Chama ngazi ya Mkoa na Wilaya, Wakuu wa Diviseheni na Vitengo ngazi ya Mkoa na Halmashauri zote za Mkoa wa Kagera, Wakuu wa Taasisi za serikali kama RUWASA, BUWASA, TANROADS, TARURA, TANESCO, REA na TRA.

Wawezeshaji wanaotarajiwa kuwezesha Mafunzo haya ni pamoja na Katibu Mkuu CCM Mhe. Daniel Chonholo, Mhe. Mkuu wa Mkoa wa Kagera Hajjat Fatma Mwassa, Mhe.Mohamed Mchengerwa ( Mb) Waziri wa Nchi Ofisi ya Rais TAMISEMI, Dkt Galvin Kweka kutoka Hospitali ya Taifa Muhimbili, Mhe. Jumanne Sagini (Mb) Naibu Waziri wa Mambo ya Ndani, Mstaafu Kanali Joseph Simbakalia, Dkt Jamal Msami. Dkt Ernest Mwaswaliba, Bw. Hamis Mjanja, Wataamu kutoka NBS, Benki kuu nk.

"Lengo la mafunzo haya ni kufanya tathmini ya hapa tulipo sasa kama Mkoa  na kuweza kuja na mpango mkakati wa kutoka nafasi ya pili kutoka mwisho kiuchumi na kuingia katika orodha  ya Mikoa kumi bora kiuchumi katika nchi yetu". Alisema Mhe. Mwassa.

 Aidha Mhe. Mwassa aliwataka washiriki wote kuhakikisha wanashiriki kikamilifu kwani baada ya mafunzo haya kwa pamoja tunataka kutoka na uelewa wa pamoja

Mafunzo haya yameanza leo tarehe 18 Septemba, 2023 na yatahitimishwa siku ya ijumaa tarehe 22 Septemba, 2023 katika ukumbi wa ELCT  uliopo Bukoba Manispaa.