MWENYEKITI JUMUIYA YA WAZAZI CCM TAIFA NDG. FADHIL MAGANYA AKAGUA MIRADI NA KUSIKILIZA KERO MISSENYI

Posted on: March 19th, 2024

Mwenyekiti wa Jumuiya ya wazazi CCM Taifa ndugu Fadhil Rajabu Maganya leo tarehe 19 Machi, 2024 amefanya ziara ya siku moja katika Halmashauri ya Wilaya ya Missenyi na kukagua miradi ya Maendeleo yenye thamani ya shilingi bilioni 3.5 katika sekta mbalilimbali ikiwa ni pamoja na Maji, Elimu na Afya.

Katika ziara hio Miradi iliyokaguliwa ni pamoja na mradi wa maji unaotekelezwa na RUWASA katika Kijiji cha Ngando, Ujenzi wa shule mpya ya Bunazi katika Kijiji cha Bunazi, Ujenzi wa jengo la Ofisi ya CCM Wilaya linalojengwa Kyenjubu, Ujenzi wa bweni la wasichana katika shule ya Sekondari Kagera Kata ya Kyaka, Zahanati ya Kijiji Kenyana na Mradi wa Maji Mwemage.

Baada kukagua miradi hio, Ndugu Fadhil alifanya mkutano wa hadhara katika Kijiji cha Mwemage pamoja na kusikiliza kero za wanachi wa Wilaya ya Missenyi.

Akizungumza na wananchi wa Missenyi amewataka wanachi wa Wilaya ya Missenyi kuhakikisha wanailinda miradi yote inayotekelezwa na serikali kwani inaigharimu fedha nyingi kwa ajili ya kuwasogezea wanachi huduma karibu.

Aidha alisisitiza viongozi mbalimbali katika maeneo yao kuitisha mikutano na kuwashirikisha wataalamu ili kuwaeleza wananchi juu ya mambo yanayofanywa na serikali ya awamu ya sita pamoja na kuwaasa kamati za siasa kuwa makini na viongozi watakaowateua kushiriki katika uchaguzi wa serikali za mitaa 2024 na uchaguzi mkuu 2025.

"Naomba kuwakumbusha viongozi wa Chama Cha Mapinduzi wakati wa uchaguzi wa serikali za mitaa mhakikishe mnateua wagombea wanaofaa kuchaguliwa bila kuwa na changamoto zozote" Alisema ndugu Maganya

Kero zilizoibuluwa na wanachi ni pamoja na Uwepo wa wanaya kama Tembo kwenye makazi ya watu kata Mabale, uwepo wa wanyama waharibifu wa mazao ikiwa ni pamoja na Ngedere kata ya Kilimilile, Kurejeshewa vitambulisho vya wajasiriamali, Umeme kutofika katika vitongoji vyote na Barabara katika Kata Kilimilile kuelekea Kyaka.

Mwenyekiti wa Jumuiya ya Wazazi CCM Taifa amepokelewa Wilaya ya Missenyi akitokea Wilaya ya Kyerwa na anaendelea na ziara yake katika Manispaa ya Bukoba.