MWENGE WA UHURU WAMULIKA MIRADI YENYE THAMANI YA SHILINGI BILIONI 10 WILAYANI MISSENYI

Posted on: September 26th, 2024

Mbio za Mwenge wa Uhuru mwaka 2024 zaendelea Wilayani Missenyi  Septemba 26, 2024  na kumulika miradi ya Maendeleo yenye thamani ya jumla ya shilingi bilioni 10.

Mwenge wa Uhuru ukiwa Wilayani Missenyi umekimbizwa kwa umbali wa kilomita 47.9 ambapo umezindua, kuona , kukagua, kutembelea, kuweka mawe ya msingi na kufungua jumla ya miradi  ya maendeleo nane (8).

Miradi hiyo ya maendeleo iliyopitiwa na Mwenge wa Uhuru imegawanyika katika sekta za elimu ambapo shule mpya ya msingi ya bunazi B ilizinduliwa na Mwenge wa Uhuru. Mwenge wa Uhuru ulitembelea na kupanda miti kwenye Mradi wa Hifadhi ya Mazingira Katika Shule ya Msingi Bunazi ikiwa ni pamoja na Kuzindua Bweni la Wanafunzi wenye Mahitaji maalum katika shule ya msingi Bunazi, Kuweka jiwe la Msingi katika Barabara ya tano Bunazi, Kuweka jiwe la msingi katika Kiwanda cha Vifungashio cha L & N, Kuweka jiwe la msingi Mradi wa Maji Byeju na Kukagua Mradi wa Vijana wa Kutengeneza Chaki wa Missenyi Standard Chalks.

Aidha, Kiongozi wa Mbio za Mwenge Kitaifa Ndugu Godfrey Eliakimu Mnzava aliwasisitiza wananchi wa Wilaya ya Missenyi kuitunza miradi iliyopitiwa na Mwenge wa Uhuru mwaka 2024. Pia aliwasisitiza wananchi kizingatia kaulimbiya Mwaka huu 2024 kwa kutunza mazingira na kushiriki uchaguzi wa Serikali za Mitaa ifikapo Novemba 27, 2024.