MWAKA MMOJA WA RAIS SAMIA SULUHU HASSAN BILIONI 6.6 ZAPOKELEWA NA KUTUMIKA MISSENYI

Posted on: March 22nd, 2022

Kwa kipindi cha mwaka mmoja wa serikali inayoongozwa na Rais wa Jamhuri ya Muungano wa Tanzania Samia Suluhu Hassan Wilaya Missenyi  imepokea na kutumia zaidi ya shilingi bilioni 6.6 kwa ajili ya utekelezaji miradi ya Maendeleo.

Hayo yamesemwa na Katibu wa CCM Wilaya Missenyi Bakari Mwacha wakati akisoma taarifa ya mafanikio ya Wilaya  katika Mkutano wa hadhara wa wananchi uliofanyika tarehe 20 Machi 2022 katika Kata ya Mushasha.  Amesema kuwa chini ya Uongozi wa Rais Samia wamepokea nakutumia shilingi bilioni 6.648 kutekeleza miradi ya Maendeleo katika sekta ya Elimu, Afya,kilimo,ufugaji, miundombinu ya stendi na maegesho pamoja na mikopo isiyo na riba kwa wanawake,vijana na watu wenye ulemavu "Ndani ya Mwaka mmoja wa Rais tumefanikiwa kuanza Ujenzi wa hospitali ya Wilaya tayari majengo ya OPD na maabara yapo hatua ya ukamilishaji, Ujenzi wa vituo viwili vya afya katika Kata ya Kakunyu na Kanyigo unaendelea na miradi mingine mingi.Tunamshukuru Sana Mama " Amesema Bakari Mwacha

Kwa Upande wake Mwenyekiti wa Halmashauri ya Wilaya Missenyi Projestus Tegamaisho ameishukuru serikali ya awamu ya sita kwakutoa fedha nyingi zilizowezesha miradi mingi kukamilishwa kwa wakati bila michango ya Wananchi nakwamba haijapata kutokea serikali kutoa fedha nyingi kama hizo ndani ya Mwaka mmoja " Majengo ya hospitali ya Wilaya yamesimama,Shule shikizi zimejengwa,vituo vya afya vinajengwa,Miradi ya maji inatekelezwa sisi Missenyi hatuna lakumsema Mama zaidi yakumuombea afya njema" Amesema Tegamaisho.

Kwa Upande wake Mkuu wa Wilaya Missenyi Kanali Wilson Sakulo amesema kuwa Wilaya Missenyi Rais ameipendelea kwakuipatia kiasi kikubwa cha fedha na kwamba kazi iliyofanyika siyo ya kubezwa anasitahili kupongezwa huku akiwata wananchi kuunga mkono jitihada zake

Kwa Upande wake Mjumbe wa Kamati ya Siasa Mkoa Kagera Eumachius Kalinjuna amesema kuwa ameridhika na utekelezaji wa miradi ya Maendeleo pia akampongeza Mwenyekiti wa Halmashauri Projestus Tegamaisho kwa uongozi wake bora wakuisimamia Halmashauri nakuwezesha mafanikio yaliyopatikana ndani ya Mwaka mmoja

"Missenyi ina Kiongozi jembe”

Cc  Respicius John