MISSENYI DC: UJENZI WA VYUMBA VIPYA VYA MADARASA UMEFIKIA ASILIMIA 98%

Posted on: November 27th, 2022

Mkurugenzi Mtendaji wa Halmashauri ya Wilaya ya Missenyi leo tarehe 27 Novemba 2022 amefanya ukaguzi katika Miradi ya ujenzi wa Vyumba vipya 10 vya madarasa vinavyojengwa katika sehemu mbali mbali za Halmashauri ya Wilaya ya Missenyi kwa ajili ya Wanafunzi watakaoingia kidato cha kwanza mwaka 2023.

Akitoa taarifa ya ujenzi Wakati akiwa katika shule ya Sekondari Kashenye Mkurugenzi Mtendaji amesema amefurahishwa na hatua za ujenzi wa chumba kimoja cha darasa katika shule hio ambapo wameweza kumaliza ujenzi kwa asilimia mia moja hata kabla ya muda uliopangwa kufika.

Aidha alitoa tathmini ya hali ya ujenzi kwa ujumla katika Halmashauri ya Wilaya ya Missenyi kwamba mpaka kufika leo hii ujenzi umefikia asilimia 98% kwa wilaya nzima isipokua shule hii ya Kashenye Sekondari wameweza kufikia asilimia 100%.

“Niwapongeze Shule ya Sekondari Kashenye kwa kufanya vizuri sana katika ujenzi kwani katika maeneo mengine tuliopita wameonekana kuwa na baadhi ya mapungufu kidogo ikiwemo kutowekwa kwa Viti na Meza ambavyo kwasasa vipo katika hatua za umaliziaji” Alisema Bw. Kombo

Aidha aliwaagiza wale ambao hawajafikia asilimia mia moja wahakikishe ndani ya siku mbili wanamalizia kwani muda tuliopewa ulikua mpaka kufikia tarehe 25 Novemba 2022 umeshakwisha.

“Nitoe rai kwa wazazi kwamba wasiwe na wasiwasi kuhusu vyumba vya madarasa kwani vipo tayari kwa ajili ya Watoto wetu  kusoma wawalete Watoto wao pindi ifikapo Januari 2023 ” Alisem Bw. Kombo.

Alimshukuru Mhemiwa Rais wa Jamhuri ya Muungano wa Tanzania Mama Samia Suluhu Hassan kwa kuhakikisha anaboresha sekta ya elimu kwa kutupatia vyumba hivi vya Madarasa.

Kwa upande wake Makamu Mkuu wa Shule ya Sekondari kashenye Mwl. Baraka Abel amemshukuru Mhesimiwa Rais na kuipongeza serikali ya awamu ya tano kwa kuboresha miundombinu ya kujifunzia na mazingira ya walimu kufanya kazi kwa ufanisi.

Ikumbukwe kwamba mwezi Septemba 2022 tulipokea shilingi milioni 200 kwa ajili ya ujenzi wa vyumba wa vyumba 10 vya madarasa katika shule 09 za Sekondari ambazo ni Shuleya Sekondari Bunazi, Gabulanga, Kakunyu, Bugandika, Buyango, Kashenye, Minziro,Kager ana Shule ya Sekondari Kilimilile.