MIRADI YENYE THAMANI YA SHILINGI BILIONI 3.7 KUKAGULIWA

Posted on: July 17th, 2023

Leo Tarehe 17 Julai, 2023 Kamati ya Utawala, Fedha na Mipango katika Halmashauri ya Wilaya ya Missenyi ikiongozwa na mwenyekiti wa kamati hio amabaye pia ni mwenyekiti wa halmashauri na Diwani wa Kata ya Kyaka Mhe. Projestus Tegamaisho imeanza ziara ya siku mbili ya kukagua miradi ya maendeleo katika tarafa mbili za Kiziba na Missenyi.

Miradi itakayotembelewa na kamati hio ina thamani ya jumla ya shilingi bilioni 3.7 ambapo katika tarafa ya Kiziba itatembelewa miradi yenye thamani ya shilingi bilioni 2.1 na kwa tarafa ya Missenyi miradi yenye thamani ya shilingi bilioni 1.64

Katika tarafa ya Kiziba miradi itokanayo na mapato ya ndani itakayotembelewa ni pamoja na Ukarabati wa mwalo wa Kabindi kwa shilingi milioni 13,Ukamilishaji wa Ofisi ya Kijiji Bukwali kwa shilingi milioni 8, Kuwezesha ukamilishaji wa ofisi ya kijiji Bweyunge kwa shilingi milioni 10,Kuwezesha ukamilishaji wa ofisi ya kijiji Kitobo kwa shilingi milioni 8.

Aidha, miradi itokanayo na fedha kutoka Serikali Kuu katika tarafa ya Kiziba ni pamoja na Ujenzi wa vyumba 2 vya madarasa shule ya msingi Omurushenye kwa shilingi milioni 40, Ujenzi wa vyumba 2 vya madarasa katika Shule ya Msingi Bugandika II kwa shilingi milioni 40, Ujenzi wa vyumba 2 vya madarasa Shule ya Msingi Bugandika Ikwa shilingimilioni 40 na Mradi wa maji Kashenye,Kanyigo na Mugana kwa awamu ya Kwanza kwa Tshs bilioni 1.8 kutoka PforR.

Hata hivyo, katika tarafa ya Missenyi miradi itakayotembelewa siku ya tarehe 18 Julai,2023 ya mapato ya ndani ni pamoja na Ukarabati wa soko la mazao Mutukula kwa shilingi milioni 40 na miradi mingone ni pamoja na Ujenzi wa vyumba 4 vya madarasa katika shule ya msingi Mutukula kwa shilingi milioni106.3 kutoka mradi wa BOOST,Ujenzi wa Shule mpya ya Msingi Bunazi "B" kwa shilingi milioni540.3 kupitia mradi wa BOOST.

Pia kamati itakagua miradi ya Ukamilishaji wa Ofisi ya Kijiji Mutukula kwa shilingi milioni 38.2 kupitia Bomba la Mafuta na Upanuzi wa mradi wa Maji Kibeokwa shilingimilioni 249.9 kutoka PforR.

Kamati itahitimisha ziara yake katika Kata ya Minziro kwa kutembelea miradi itokanayo na fedha kutoka Serikali Kuu ambayo ni ukamilishaji wa Zahanti ya Kalagara kwa shilingi milioni50 na Ujenzi wa vyumba 8 vya madarasa,Ujenzi wa matundu 13 ya choo na Ujenzi wa mabweni 3 shule ya Sekondari Minziro kwa jumla ya shilingi milioni 617.3.