MAPATO : TUMEVUKA MALENGO KWA ASILIMIA 127 KWA MWAKA 2022/23

Posted on: August 4th, 2023

Mkutano baraza la Madiwani kwa robo ya nne katika Halmashauri ya Wilaya ya Missenyi limefanyika kwa siku mbili ikiwa ni sehemu ya mkutano wa kawaida wa kishera katika kujadili utekeleza uliofanyika kwa robo ya nne unaohitimisha bajeti ya 2022/2023.

Akifungua mkuata wa Baraza Mwenyekiti wa halmashauri ya Wilaya ya Missenyi Mhe Projestus Tegamaisho alisema kupiatia mapato ya ndani tulipanga kukusanya bilioni 4.8 na tukakusanya kiasi cha shilingi bilioni 6.2 ikiwa ni sawa na asilimia 127.

Alipongeza jitihada za Mkurugenzi Mtendaji pamoja na Wataalam wa wake, Kamati ya usalama ikiongozwa na Mhe Mkuu wa Wilaya pamoja na waheshimiwa Madiwani kwa kushirikiana kwa pamoja na kuhakikisha tunakusanya mpaka kuvuka malengo.

"Halmashauri yetu imehika nafasi ya 15 katika halmashauri zote kitaifa na mpaka sasa halmashauri yetu inatangazwa kila kona" Alisema Mhe Tegamaisho.

Kwa upande wake Mkuu wa Wilaya ya Missenyi Kanali Wilson Sakulo aliwapongeza Waheshimiwa Madiwani, Mkurugenzi na Wataalamu kwa kufanya vizuri katika usimamizi mzuri wa ukusanyaji wa mapato.

"Kwasasa tumeshika nafasi ya pili katika ukusanyaji ila walishika nafasi ya kwanza ambao ni Muleba tunaweza kuwapita mwaka huu wa fedha na kushika nafasi ya kwanza katika mkoa wetu" Alisema Kanali Sakulo.

Mheshimiwa Florent Kyombo Mbunge wa jimbo la Nkenge alipongeza Mkurugenzi Mtendaji wa Halmashauri jitihada za usimamizi wa miradi ya maendeleo pamoja na kumkaribisha sana katika Wilaya ya Missenyi ili tufanye kazi kwa pamoja na kuleta maendeleo katika Wilaya yetu.

Kwa upande wake Mkurugenzi Mtendaji Bw. John Paul Wanga aliahidi ushiriano zaidi pamoja na kutaja miradi ya kimakakati itakayoivusha Halmashauri kwa mwaka wa fedha 2023/2024 kutoka makusanyo ya shilingi bilioni 6.2 ya mwaka 2022/20223 hadi kufikia bilioni 8.

Mkutano huu wa siku mbili utapokea na kujadili taarifa za kata zote 20 na taarifa za kamati za kudumu za halmashauri.