MAADHIMISHO YA MIAKA 61 YA UHURU

Posted on: December 9th, 2022

Leo tarehe 09 Disemba 2022 Wilaya ya Missenyi tumehitimisha maadhimisha ya sherehe za miaka 61 ya uhuru ambapo maadhimisho haya yalianza tangu tarehe 01 Disemba 2022 kwa kufanya shughuli mbalimbali kama vile usafi , kupanda miti , mashindano ya insha na kufikia kilele siku ya leo 09 Disemba 2022 ambapo kulikua na Mdahalo uliofanyika kama sehemu ya kuadhimisha kumbukumbu hii muhumu kwa Taifa letu.

Katika maadhimisho haya mgeni rasmi alikua Mkuu wa Wilaya ya Missenyi Kanali Wilson Sakulo na  hatimaye Katibu Tawala wa Mkoa wa Kagera Bw. Toba Nguvila aliwasili kujiunga na Wilaya ya Missenyi kwa ajili ya kuadhimisha kwa Pamoja maadhimisho haya yenye kauli mbiu ya MIAKA 61 YA UHURU ‘’AMANI NA UMOJA NI NGUZO YA MAENDELEO YETU” na Mdahalo ulijikita kujadili MAENDELEO TULIOYAPATA BAADA YA MIAKA 61 YA UHURU.

‘’Moja ya matunda ya uhuru kwa sasa unatoka Mutukula hadi Dar es salaam ni lami tupu na una uwezo wa kuchagua barabara katika maeneo mbalimbali upitie barabara ya Biharamulo au upite Chato uchaguzi huu haukuwepo kipindi cha kabla ya uhuru.” Alisema Bw. Nguvila

Aidha kwa upande wa Mkuu wa Wilaya ya Missenyi ailiangazia Katika maeneo yaliyotia fora kwa kuendelea Zaidi ambayo ni Pamoja na sekta ya elimu haswa kutokana na ujenzi wa miundo mbinu mipya kama vile madarasa ambayo yameleta ufanisi mkubwa sana katika shule za msingi na sekondari.

‘’Upande  afya kutokana na ujenzi wa Hospitali Mpya ya Wilaya ambayo mpaka sasa imegharimu shilingi bilioni 1.3 zahanati zipo 30 ambapo awali zilikua 20 na vituo vipya vya afya 02 ambavyo ni Kanyigo na Kakunyu na vyote hivi vipo hatua za mwisho za umaliziaji’’. Alisema Sakulo.

Aliongeza kwa kusema Ukusanyaji wa mapato ya ndani umeongezeka kutoka blioni 1.1 mwaka 2015/16 hadi kufikia bilioni 4.9 ambayo ni sawa na asilimia 135 kwa mwaka 2021/22.

Katika kuondoa adha katika barabara halmashauri ya Wilaya ya Missenyi  urefu wa barabara  umefikia kilomita  921 zinazohudumiwa.

Katika juma hili la maaddhimisho ya uhuru jumla ya miche ya miti 624 ikiwemo ya matunda, vivuli na miti ya mbao ilioteshwa katika eneo la hospitali mpya ya Wilaya ya Missenyi Pamoja na kufanya usafi wa mazingira ikiwa ni sehemu ya kuweka kumbukumbu katika kuadhimisha miaka 61 ya uhuru wa Tanzania bara.

Mdahalo wa leo uliweza kuhudhuriwa na wanafunzi 03 kutoka shule za msingi na 03 kutoka shule za sekondari ambao waliibuka washindi wa Insha na kukabidhiwa zawadi za vyeti kwa ajili ya shukrani ya ushiriki wao kutoka kwa mgeni rasmi, aidha walishsiriki wazee maarufu, wananchi na watumishi katika halmashauri ya Wilaya ya Missenyi.