KITUO CHA MAEGESHO KYAKA CHAANZA KAZI RASMI

Posted on: July 17th, 2018

Na. Respicius John.

Kituo kipya cha maegesho Kyaka kimeanza kazi rasmi baada ya ujenzi wake kukamililka kwa zaidi ya asilimia arobaini.

Kamati ya fedha uchumi na na mipango ya Halmashauri imetembelea kituo hicho ili kujionea mafanikio na changamoto zilizopo siku moja baada ya kuanza kwa kituo hicho

Mwenyekiti wa halmashauri ya Wilaya Missenyi Projestus Tegamaisho amesema kuwa Kuanza kwa kituo hicho kutaongeza mapato ya ndani ya halmashauri pamoja nakuongeza ajira na fursa za kibiashara kwa wananchi

Ameongeza kuwa kituo hicho kitazidi kuboreshwa kwa kujenga miundombinu ya kisasa yakiwemo maduka,mighahawa,sehemu maalumu za abiria kupumzika nakuweka umeme.

Mkaguzi wa ndani wa halmashauri ya Wilaya Imani Rhodes Mgonja amesema kuwa katika siku ya kwanza wamekusanya kiasi cha shilingi 310,000/=(Mia tatu na kumi elfu) kutoka kwenye ushuru wa magari yanayoingia nakutoka stendi ambapo kwa siku moja gari linatozwa shilingi elfu mbili tu.

Wily Mutayoba diwani wa Kata Kitobo ameshauri mapato yote ya stendi hiyo yatunzwe kwenye akaunti maalumu kwa ajili yakuendeleza stendi mpaka itakapokamilika.