KAMATI YA USHAURI YA WILAYA YA MISSENYI YAPITISHA BIL. 56.8 YA MAPENDEKEZO YA RASIMU YA BAJETI KWA MWAKA 2026/2027

Posted on: February 20th, 2026

Leo Februari 20, 2026 Kamati ya Ushauri ya Wilaya ya Missenyi (DCC) imefanya kikao maalum cha kupitisha mapendekezo ya rasimu ya bajeti ya Halmashauri kwa mwaka wa fedha 2026/2027 yenye jumla ya shilingi bilioni 56.8 ambapo kiasi hiki ni ongezeko la shilingi bilioni 11.3 ikilinganishwa na bajeti ya mwaka wa fedha 2025/2026.

Akisoma Muhtasari wa makisio ya matumizi kwa mwaka wa fedha 2026/2027 Kaimu Afisa Mipango wa Halmashauri ya Wilaya ya Missenyi Bi. Sylivia Mhandiki amesema Halmashauri imepanga kupokea, kukusanya na kutumia jumla ya shilingi bilioni 56,863,884,000.00/= kutoka vyanzo mbalimbali ikiwa mishahara ni shilingi bilioni 31.5matumizi mengineyo (Ruzuku ya Serikali kuu) shilingi bilioni 1.5 miradi ya maendeleo (Ruzuku ya Serikali kuu na Wahisani) shilingi bilioni 8.8 na mapato ya ndani shilingi bilioni 14.8.

Aidha, kwa upande wake Mwenyekiti wa Kamati Mhe. Julius Kalanga Laizer ambaye ni Kaimu Mkuu wa Wilaya ya Missenyi ameielekeza Halmashauri kudhibiti mianya ya upotevu wa mapato na kuhakikisha inaongeza vyanzo vipya vya ukusanyaji wa mapato ndani ya Wilaya ya Missenyi.

Kikao hicho kimefanyika katika Ukumbi wa William .F. Katunzi uliopo katika Ofisi za Halmashauri ya Wilaya ya Missenyi na kuhudhuriwa na Wadau mbalimbali wa maendeleo, taasisi binafsi na Serikali, taasisi za kifedha, wawakilishi wa wafanyabiashara na wafugaji na baadhi ya Viongozi wa dini wa Wilaya ya Missenyi.