60% YA MAPATO YA NDANI INAPELEKWA KWENYE MIRADI YA MAENDELEO

Posted on: April 24th, 2025

Kamati ya Fedha, Utawala na Mipango katika Halmashauri ya Wilaya ya Missenyi imehitimisha ziara yake ya siku mbili leo katika tarafa ya Missenyi tarehe 24 Aprili,2024.

Ziara hio ya siku mbili, imekagua utekelezaji wa miradi ya maendeleo yenye thamani ya shilingi milioni 471 ambapo miradi ya mapato ya ndani na Serikali Kuu.

Akizunguza mara baada ya kuhitimisha ziara hio Mwenyekiti wa Halmashauri ya Wilaya ya Missenyi Mheshimiwa Projestus Tegamaisho alisema kwa siku ya leo tumekagua miradi minne yenye thamani ya shilingi milioni 346.

"Miradi mitatu ya siku ya leo tulio ikagua inatekelezwa kwa fedha za mapato ya ndani yenye thamani ya shilingi milioni 186 na mradi mmoja wenye thamani ya shilingi milioni 160 ni kutoka serikali Kuu" Alisema Mhe. Tegamaisho.

Aidha alisema kwamba kwa robo hii Kwa sasa Halmashauri yetu inafanya vizuri sana katika makusanyo ndio maana tuna miradi mingi inajengwa kupitia mapato yetu sisi wenyewe.

Alosisitiza kwamba, Kati ya miradi saba tuliyokagua kwa robo hii, miradi sita tunajenga wenyewe kupitia ya mapato ya ndani kwa jumla ya shilingi milioni 321 na mradi mmoja pekee ndio unajengwa na serikali kuu kwa shilingi milioni 160.

Kwa upande wake Makamu mwenyekiti wa Halmashauri na mjumbe wa kamati ya Fedha, Utawala na Mipango Mhe. Domician Nshambya alimpongeza Mwenyekiti wa Halmashauri kwa kusimamia vyema upelekaji wa fedha za miradi kama tulivyopanga kwenye bajeti.

"Napenda kumpongeza Mkurugenzi Mtendaji wa Halmashauri pamoja na wataalam wake kwa kusimamia vyema miradi kwa ubora wa hali ya juu" Alisema Mhe. Nshambya.

Ikumbukwe kwamba Halmashauri ya Wilaya ya Missenyi kwa sasa ni moja kati ya Halmashauri zenye mapato makubwa ambapo Halmashauri zenye mapato makubwa zinapaswa kupeleka asilimia 60 ya mapato yake katika miradi ya maendeleo.

Miradi iliyokaguliwa kwa siku ya leo ni pamoja na Ujenzi wa Vibanda 17 katika Stendi ya Kyaka kwa shilingi milioni 90, Ukamilishaji wa Maabara tatu katika Shule ya sekondari Kilimilile kwa shilingi milioni 46, Ujenzi wa nyumba ya watumishi katika Zahanati ya Kashaba ya 03in01 kwa shilingi milioni 50 kwa awamu ya kwanza na mradi mmoja kutoka Serikali Kuu wa Ujenzi wa nyumba mbili za watumishi wa makao makuu ya Halmashauri zenye thamani ya shilingi milioni 160.