HIZI NDIO MADA ZILIZOJADILIWA NA WADAU MBALIMBALI WIKI YA UWEKEZAJI KAGERA

Posted on: August 16th, 2019

Wiki ya uwekezaji Kagera ilizinduliwa rasmi siku ya tarehe 14-08-2019 katika viwanja vya Gymkana manispaa ya Bukoba.  Mh Kassim Majaliwa  waziri Mkuu wa Jamuhuri ya Muungano wa Tanzania akiwa ndiye mgeni rasmi wa kongamano la wiki ya kagera amezindua pia kitabu cha mwongozo wa uwekezaji Kagera.

Wadau, wawekezaji na wafanyabiashara mbalimbali katika kongamano walijadili mada mbalimbali zinazohusu fursa za uwekezaji kwa kuzichambua kwa undani zaidi.

Katika kongamano hilo, jumla ya mada nane zimejadiliwa na wataalam kutoka Sekta mbalimbali za umma na Sekta binafsi huku majadiliano yakilenga namna bora ya kuondoa vikwazo mbali mbali katika uwekezaji ili kuinua uchumi wa mkoa wa Kagera.

Mada mbalimbali zilizowasilishwa na kujadiliwa na wadau mbalimbali ni pamoja na:-

Mazingira ya jumla ya kibiashara na jukumu la mamlaka za kisheria katika kusaidia uwekezaji, Pili; Mkoa wa kagera kama kitovu cha biashara katika nchi za Afrika Mashariki na Kati (Biashara za Mipakani), Tatu, Kutumia fursa za uwekezaji Kagera katika sekta za kilimo, mifugo, uvuvi na Viwanda, Tano; Ni namna gani changamoto ya lishe katika mkoa wa Kagera

Mada  nyingine zilizojadiliwa ni pamoja na; Ni namna gani fursa za utalii ambazo hazijatumika izinaweza kutumika katika uwekezaji kwenye mkoa wa Kagera, sita; Nafasi ya huduma za kijamii kwa ukuaji wa uchumi wa mkoa wa Kagera, saba huduma za kifedha kama kichocheo cha uwekezaji na mada ya mwisho ni ujue Mkoa wa Kagera iliyotolewa na Askofu Msaidizi wa Jimbo Katoliki la Bukoba Method Kilaini.

Mara baada ya mada hizo kujadiliwa, Wafanyabiasha kutoka nchi za Rwanda na Burundi walipata nafasi ya kukutana Wafanyabiashara wa Mkoa wa Kagera na kuwa na mazungumzo ya kibiashara.

Wiki ya Uwekezaji Kagera inatarajiwa Kufungwa rasmi tarehe leo tarehe 16/08/2019 huku maonyesho ya fursa mbalimbali yakiendelea hadi Jumapili ya tarehe 19-08-2019.